Канстытуцыйны суд Расеі прызнаў папраўкі законнымі
Канстытуцыйны суд РФ праверыў закон аб змене Канстытуцыі, прапанаваны прэзідэнтам Расеі, і прызнаў, што ён адпавядае Асноўнаму закону. Пра гэта паведамляецца на сайце суда.
У прыватнасці, Канстытуцыйны суд палічыў, што абнуленне прэзідэнцкіх тэрмінаў Уладзіміра Пуціна не супярэчыць Асноўнаму закону, паведамляе meduza.io. У рашэнні суда сказана, што чалавек, які раней займаў пасаду прэзідэнта, пасля ўступлення ў сілу змяненняў у Канстытуцыю можа балатавацца на два тэрміны «незалежна ад колькасці тэрмінаў, на працягу якіх азначанае асоба займала і (або) займае гэтую пасаду».
Агульнарасійскае галасаванне па папраўках у Канстытуцыю РФ прызначана на 22 красавіка. Але, паводле дадзеных крыніц «Медузы», галасаванне могуць перанесці на больш позні тэрмін, хоць пакуль у Крамлі кажуць, што «для гэтага няма аб’ектыўных паказанняў».
Пра прапанову абнуліць прэзідэнцкія тэрміны для Уладзіміра Пуціна стала вядома 10 сакавіка падчас разгляду законапраекта аб змене Канстытуцыі РФ.
Сам Пуцін казаў, што абнуленне тэрмінаў будзе дапушчальным, калі гэта ўхваліць Канстытуцыйны суд. Калі абмежаванні для Пуціна здымуць, ён патэнцыйна зможа заставацца на пасадзе прэзідэнта Расеі да 2036 года.
Глядзіце таксама
