Карэн Карапецян назначаны выконваючым абавязкі прэм’ер-міністра Арменіі
Першы віцэ-прэм’ер Арменіі Карэн Карапецян 23 красавіка назначаны выконваючым абавязкі кіраўніка Кабміна.
23 красавіка адбылося пазачарговае пасяджэнне ўрада Арменіі пад старшынствам першага намесніка прэм’ер-міністра Карэна Карпецяна. Адзначаецца, што ў выпадку немагчымасці выканання паўнамоцтваў прэм’ер-міністрам яго замяняе першы намеснік прэм’ер-міністра.
„У адпаведнасці з пунктам 5 дадатку да ўказа N412-L прэм’ер-міністра Рэспублікі Арменія ад 21 красавіка 2018 года „Аб вызначэнні парадку замены прэм’ер-міністра ў выпадку адсутнасці і немагчымасці выканання паўнамоцтваў прэм’ер-міністра” паўнамоцтвы прэм’ер-міністра выконвае першы намеснік прэм’ер-міністра”, – гаворыцца ў паведамленні на афіцыйным сайце ўрада Арменіі.
Раней паведамлялася, што прэм’ер-міністр Арменіі Серж Саргсян падаў у адстаўку.
