БХД заклікае берасцейскіх дэпутатаў паразмаўляць пра малы памежыны рух
На тэму малога памежнага руху хочуць пагутарыць берасцейскія прадстаўнікі партыі Беларускай Хрысціянскай Дэмакратыі з мясцовымі дэпутатамі. Яны запісаліся на сустрэчу да народных прадстаўнікоў на 14 кастрычніка. Каардынатар БХД па Берасці Аляксандар Храпко спадзяецца, што дыялог пройдзе на пазітыўнай хвалі і будуць разгледжаны варыянты магчымай супрацы:
– Нядаўна атрымалі адказ у пісьмовай форме пра далейшае прасоўванне ідэі збору подпісаў людзей за гэтую ініцыятыву. Мы спадзяемся, што сустрэча пройдзе прадуктыўна, будуць прапанаваны нейкія шляхі супрацы з нашымі ініцыятывамі. Ну, магчыма, яны будуць нам неяк дапамагаць у рэалізацыі праекта.
Некалькі дзён таму актывісты БХД атрымалі пазітыўны адказ ад Берасцейскага абласнога Савета дэпутатаў на дасланыя подпісы ў падтрымку паскарэння рэалізацыі дамовы пра беларуска-польскі малы памежны рух. Дэпутаты накіравалі запыт у Міністэрства замежных спраў Рэспублікі Беларусь пра перспектывы ўступлення ў сілу беларуска-польскай дамовы “Аб правілах памежнага руху”.
Беларускае Радыё Рацыя, Берасце
Фота novisa.by
Глядзіце таксама
