Хто з еўрапейскіх дыпламатаў застаўся ў Беларусі?
Як паведамляе сайт Лукашэнкі, даверчыя граматы ўручылі дыпламаты з Азербайджана, Арменіі, Індыі, Інданезіі, Лівана, Малайзіі, Манголіі, Туніса і Паўднёва-Афрыканскай Рэспублікі.
Год таму ў Менску засталіся паслы толькіх дзвюх з 27 краін Еўразвяза – Італіі і Аўстрыі. Астатнія былі адкліканы ўрадамі сваіх краін для правядзення кансультацый.
Чарговае абвастрэнне адносін паміж еўрапейскімі краінамі і беларускай уладай адбылося пасля таго, як у дачыненні да беларускіх чыноўнікаў пачалі дзейнічаць санкцыі. МЗС Беларусі тады адклікаў нашых дыпламатаў з Літвы і Польшчы і прапанаваў паслам гэтых краін пакінуць Беларусь. Таксама ў Мінску няма амбасадараў Латвіі, Эстоніі, Славакіі, Германіі.
Напрыканцы ліпеня амбасадар Еўразвяза ў Беларусі Дзірк Шубель вымушана пакінуў Мінск і адправіўся ў Брусель для кансультацый – па рэкамендацыі беларускага МЗС. Таксама з’ехалі з Менска прадстаўнікі амерыканскай дыпламатычнай місіі.
Але некаторыя еўрапейскія дыпламаты засталіся ў Менску. Так, вельмі плённа працуе амбасадар Францыі Нікаля дэ Лакост – між іншым, ён яшчэ не ўручаў даверчыя граматы А.Лукашэнку.
Літаральна тыдзень таму кіраўніцтва МЗС сустракалася з Надзвычайным і Паўнамоцным Паслом Італьянскай Рэспублікі Марыё Бальдо і Надзвычайным і Паўнамоцным Паслом Турэцкай Рэспублікі Мустафой Азджанам.
