Кіраўнік МУС Літвы прапануе ўвесці надзвычайнае становішча на мяжы з Беларуссю
Міністр унутраных спраў Літвы Агне Білатайце заявіла, што МУС прапанавала ўраду ўвесці надзвычайнае становішча ў прыгранічных самакіраваннях, паведамляе DELFI.
„МУС прапанавала ацаніць па сітуацыі і магчыма абвясціць надзвычайнае становішча”, – заявіла міністр на прэс-канферэнцыі ў аўторак. Паводле яе слоў, міністэрства вылучыла такую прапанову ўраду, і цяпер яно ацэньваецца.
„Варта ацаніць мноства фактараў, паколькі гэта актыўнае ўцягванне арміі, таму МУС не можа прыняць рашэнне ў аднабаковым парадку”, – сказала Білатайце.
Старшыня Камітэта Сейма Літвы па нацыянальнай бяспецы і абароне Лаўрынас Кашчунас заявіў, што ўвядзенне надзвычайнага становішча можа быць разгледжана для ўзяцця пад кантроль сітуацыі з міграцыйным крызісам.
Па словах Кашчунаса, у такім выпадку кантроль над мяжой пераняла б армія, і трапленне на тэрыторыю Літвы было б немагчымым.
Фота: © DELFI / Andrius Ufartas
