Кіраўнік МЗС Аўстрыі: Мы не павінны дапусціць новую жалезную заслону вакол Беларусі
„Мы не павінны дапусціць новую жалезную заслону вакол Беларусі”, — заявіў міністр замежных спраў Аўстрыі Аляксандр Шаленберг, каментуючы вынікі пасяджэння кіраўнікоў знешнепалітычных ведамстваў краін ЕЗ 12 кастрычніка ў Люксембургу.
„Але таксама зразумела, што нам нельга гаварыць з Беларуссю толькі мовай санкцый, — падкрэсліў Шаленберг, якога цытуе прэс-служба яго ведамства. — Гаворка перш за ўсё аб тым, каб працягнуць руку грамадзянскай супольнасці. Зразумелая мова — для сістэмы і дзейнасць — для людзей у Беларусі”.
Міністры дамовіліся ўключыць Аляксандра Лукашэнку ў санкцыйны спіс, калі сітуацыя ў краіне не палепшыцца. У пачатку кастрычніка ЕЗ увёў забарону на ўезд 40 беларускіх службовых асоб, якія, на яго думку, адказныя за фальсіфікацыі падчас выбараў і гвалт у дачыненні да мірных дэманстрантаў. Еўрасаюз мае намер скараціць двухбаковае супрацоўніцтва з беларускімі ўладамі на цэнтральным узроўні, павялічыць падтрымку беларускага народа і грамадзянскай супольнасці. „У адпаведнасці з гэтым ЕС неадкладна выдзеліў дадатковыя фінансавыя рэсурсы ахвярам гвалту, арганізацыям грамадзянскай супольнасці і незалежным СМІ”, — сказана ў дакуменце па выніках сустрэчы міністраў.
8 кастрычніка ў Вене Шаленберг правёў перамовы з экс-кандыдатам у прэзідэнты Беларусі Святланай Ціханоўскай. Абмяркоўваліся, у прыватнасці, дзеянні ў падтрымку беларускага народа, якія могуць быць прынятыя на ўзроўні ЕС.
Міністр замежных спраў Літвы Лінас Лінкявічус прывітаў гатоўнасць Еўразвяза ўзмацніць санкцыі ў дачыненні да беларускіх уладаў. „Жорсткасць у дачыненні да народа Беларусі не толькі не спыняецца, але і павялічваецца”, — напісаў ён у „Твітэры”.
Фота: © Global Look Press
