Кіраўнік МЗС Венгрыі 14 студзеня наведае Менск
Міністр замежных спраў і знешняга гандлю Венгрыі Петэр Сіярта 14 студзеня наведае Менск, паведамляе пасольства Беларусі ў гэтай краіне.
Падрыхтоўка візіту венгерскага міністра ў Менск абмяркоўвалася 10 студзеня на сустрэчы Сіярты з паслом Беларусі Аляксандрам Панамаровым.
„Дыпламаты разгледзелі актуальныя пытанні двухбаковага супрацоўніцтва з акцэнтам на эканамічнае ўзаемадзеянне. Падчас сустрэчы беларускі пасол таксама перадаў Петэру Сіярту копіі даверчых грамат”, — паведамілі ў дыппрадстаўніцтве.
