Куба адкрыла доступ да мабільнага 3G інтэрнэту
Урад Кубы прадаставіў жыхарам выспы доступ да мабільнага інтэрнэту па сетцы 3G, паведамляе нямецкая тэлерадыёкампанія Deutsche Welle. Цяпер адзіны мабільны аператар краіны ETESCA можа прадаставіць сваім кліентам не больш як 4 гігабайты трафіка.
Мабільны інтэрнэт на Кубе цяпер з’яўляецца даволі дарагой паслугай: кошт розных тарыфаў вагаецца ў межах 7-30 песа, курс якога прыкладна роўны $1. Верагодней за ўсё, большасць мясцовых жыхароў не зможа дазволіць сабе аплачваць інтэрнэт-злучэнне па такіх расцэнках. Згодна са справаздачай МЗС Кубы, сярэдні месячны даход на востраве не перавышае $31. Акрамя таго, смартфон маюць менш як палова мясцовых жыхароў.
Раней для карыстання інтэрнэтам кубінцы, як след, наведвалі паркі, у якіх дзейнічае бесправадная сетка. Усяго ў краіне іх каля 1200. Каб падключыцца да сеткі са сваёй прыладай, трэба набыць спецыяльную картку. Гадзіна карыстання інтэрнэтам каштуе прыкладна $1.
