Латушка заявіў, што Лукашэнка рыхтуе новы этап „гібрыднай вайны”
Улады Беларусі ўвесну рыхтуюць новую форму „гібрыднай вайны”, заяўляе кіраўнік Нацыянальнага антыкрызіснага ўпраўлення Павел Латушка.
Па яго словах, гэта будзе наркатрафік у Еўразвяз з удзелам мігрантаў. Латушка кажа, што даведаўся пра гэты план з уласных крыніцаў.
Паводле яго, увесну на мяжы з Польшчай, а магчыма — і Украінай (гэта залежыць ад сітуацыі), улады Беларусі хочуць арганізаваць перапраўку наркотыкаў з удзелам мігрантаў.
Кіраўнік НАУ назваў структуры, якія займаюцца распрацоўкай гэтай формы „гібрыднай вайны”. Паводле Латушкі, над планам працуе галоўнае ўпраўленне знешняй выведкі КДБ з планаваным падключэннем у якасці груп прыкрыцця АСАМ Дзяржаўнага памежнага камітэта і ГРУ Міністэрства абароны.
Беларускае Радыё Рацыя
