Лукашэнка павіншаваў Мядзведзева з днём нараджэння
Аляксандр Лукашэнка павіншаваў старшыню ўрада Расейскай Федэрацыі, старшыню Савета міністраў Саюзнай дзяржавы Дзмітрыя Мядзведзева з днём нараджэння.
„Вашы несумнеўны арганізатарскі талент, велізарны досвед дзяржаўнага кіравання і стратэгічнае мысленне спрыяюць эфектыўнаму вырашэнню актуальных пытанняў развіцця Расейскай Федэрацыі і павышэнню яе аўтарытэту ў сусветнай супольнасці. Перакананы, што Вы будзеце і далей паслядоўна садзейнічаць умацаванню і пашырэнню шматпланавых беларуска-расейскіх сувязей, актывізацыі інтэграцыйнага ўзаемадзеяння паміж нашымі краінамі”, — гаворыцца ў віншаванні.
Лукашэнка пажадаў Мядзведзеву „ажыццяўлення ўсіх планаў і пачынанняў, добрага здароўя, шчасця і дабрабыту”.
Мядзведзева з днём нараджэння таксама павіншаваў прэм’ер-міністр Беларусі Сяргей Румас. Ён пажадаў расейскаму калегу „моцнага здароўя, шчасця, дабрабыту і новых стваральных поспехаў”.
14 верасня Дзмітрыю Мядзведзеву споўнілася 53 гады.
