Лукашэнка зноў кінуўся ў барацьбу з карупцыяй
Аляксандр Лукашэнка ні перад чым не спыніцца ў барацьбе з карупцыяй, у тым ліку сярод службовых асоб высокага ўзроўню. Аб гэтым кіраўнік дзяржавы заявіў на нарадзе аб удасканаленні заканадаўства па барацьбе з карупцыяй.
«Хай лепш застрэляць ці павесяць, чым я тут адступлю », – сказаў Лукашэнка. Ён падкрэсліў, што пытанні пра ўзмацненне барацьбы з карупцыяй уздымаюцца зусім не таму, што нібыта пачалася перадвыбарчая кампанія, як гэта камэнтуюць у тым ліку ў інтэрнэт-прасторы. «Мне няма неабходнасці акцэнтаваць на гэтым увагу», – адзначыў Лукашэнка.
«Я патрабую аднаго – крадзіце ў дзяржавы. Калі вы будзеце абдзіраць уласны народ, літасці не чакайце. Выкарыстоўваць пасаду для таго, каб прасунуць нейкія інтарэсы жулья, якое вакол вас ходзіць, недапушчальна », – падкрэсліў Лукашэнка.
Ён нагадаў аб тым, якія наступствы выклікаў разгул карупцыі ў шэрагу краін, у тым ліку ў суседняй Украіне. Па словах кіраўніка дзяржавы, калі эфектыўна не змагацца з гэтым відам злачыннасці, то на пэўным этапе цяперашняя ўлада стане непрымальная для народа.
