Марафон у падтрымку беларусаў, што ваююць ва Украіне
У Менску адбыўся першы дабрачынны марафон «Дапамажы беларускаму жаўнеру». Мэта – збор ахвяраванняў і аўкцыён карцін вядомых мастакоў, памятных сувеніраў дзеля дапамогі беларусам, што ваююць на баку незалежнай Украіны.
Арганізатара марафону Зміцер Дашкевіч распавёў Беларускаму Радыё Рацыя, што ідэя такой імпрэзы нарадзілася ў яго пасля наведвання суседняй краіны.
– Мая прыватная ініцыятыва ўзнікла пасля таго, як я некалькі разоў наведаў Украіну і пабачыў, як жывуць хлопцы. У іх не хапае многіх рэчаў, нават такіх элементарных як ежа, як магчымасць зняць кватэру падчас ратацый. Для мяне было шокам, што Украіна дабраахвотнікам, якія аддаюць за яе жыццё, нічым не дапамагае.
Odtwarzacz plików dźwiękowych
Валанцёрка з Кіева Вольга Гальчанка ўспамінае загінулага беларуса Алеся Чаркашына і кажа, што такія вось аукцыёны могуць выратаваць жыццё іншым ваярам:
– У яго была звычайная бронекамізэлька з адной пласцінай. Аскепак зайшоў збоку. Каб у яго была нармальная бронекамізэлька з бакавымі пласцінамі, з кеўларам, то хутчэй за ўсё ён застаўся б у жывых. Таму грошы – гэта магчымасць купіць экіпіроўку, якая дапаможа захаваць жыццё беларускім хлопцам, якія там ваююць.
Odtwarzacz plików dźwiękowych
Паводле Змітра Дашкевіча, першая імпрэза прайшла пасьпяхова – была прададзена палова ад прыкладна дзясятка выстаўленых карцін, сабрана шмат ахвяраванняў, гэта дазваляе спадзявацца на добры працяг ініцыятывы.
Сяргей Залескі, Беларускае Радыё Рацыя, Менск
Фота racyja.com і svaboda.org
Глядзіце таксама
