Масква стамілася ад Лукашэнкі – „Коммерсантъ”
Масква стамілася ад Лукашэнкі, – піша „Коммерсантъ”. Палітычны аглядальнік уплывовага расейскага выдання Дзмітрый Дрызе лічыць, што Крэмль не хоча абрання Лукашэнкі на чарговых выбарах у 2020 годзе і даваць грошы для яго больш не жадае.
Далей аўтар піша, што ў апошнія два тыдні вакол Беларусі і асабіста Аляксандра Лукашэнкі з’явілася шмат розных чутак. Напрыклад, што Лукашэнка ўжо не той, а ў рамках апошняй сустрэчы з Пуціным у Сочы абмяркоўваўся працэс перадачы ўлады ў Беларусі. «Магчыма, яму пастаўлены жорсткі ультыматум. І, мяркуючы па ўсім, Расеі не вельмі падабаецца фармат перадачы ўлады ў спадчыну».
Аглядальнік мяркуе, што з-за гэтага Лукашэнка нервуецца і сваімі апошнімі дзеяннямі імкнецца паказаць падначаленым, што нібыта трымае сітуацыю пад кантролем.
Іншае расейскае выданне «Росбалт» у артыкуле „Бабіч як папярэднік аншлюсу” выказвае думку, што з прызначэннем новага пасла ў Менску Масква ўзяла курс на паглынанне Беларусі. „Што можа супрацьпаставіць гэтаму курсу Лукашэнка і ці будзе ён спрабаваць усур’ёз гэта рабіць, пакуль сказаць цяжка”, – адзначае выданне.
Фота Reuters
Глядзіце таксама
