Меркель: ЕЗ не аслабіць ціск на ўлады Беларусі да змены сітуацыі ў краіне
Еўразвяз не аслабіць ціск на ўлады Беларусі да таго часу, пакуль унутрыпалітычная сітуацыя ў краіне не зменіцца.
Пра гэта заявіла сёння канцлерка Германіі Ангела Меркель, выступаючы па відэасувязі на пасяджэнні франка-нямецкай парламенцкай асамблеі, якая ўключае ў сябе па 50 дэпутатаў Нацыянальнага сходу Францыі і нямецкага Бундэстага. Гэтую заяву Меркель прыводзіць агенцтва ТАСС.
«Мы ў Еўрапейскай Радзе прынялі рашэнне пра шырокі санкцыйны пакет адносна Беларусі. Мы ўвялі персанальныя і эканамічныя санкцыі, у прыватнасці, адносна авіякампаній, а таксама асноўных галінаў эканомікі», — нагадала кіраўніца нямецкага ўраду.
«І мы, зразумела, не аслабім ціск, пакуль сітуацыя ў Беларусі не зменіцца», — падкрэсліла Меркель.
Беларускае Радыё Рацыя
Фота: Reuters
Глядзіце таксама
