Мікалай Статкевіч: Кожны вырашае сам, з кім яму сябраваць
Экс-палітвязень Мікалай Статкевіч пабываў з візітам у Швецыі.
Мікалай Статкевіч з мiнiстрам замежных спраў Маргот Валстрэм (Фота facebook.com/nikolaj.statkevich).
Там палітык выступіў на канферэнцыi Цэнтра Улафа Пальмэ, сустрэўся з мiнiстрам замежных спраў Швецыі Маргот Валстрэм і прадстаўнікамі мясцовага беларускага зямляцтва.
Мікалай Статкевіч кажа, што даводзілася часта абвяргаць спадзяваннi заходнiх палiтыкаў у тым, што Лукашэнку можна развярнуць ад Масквы:
– Гэта візіт удзячнасці таму, што там было багата людзей з грамадзянскай супольнасці, якія не далі прагматычным еўрапейскім палітыкам абмінуць пытанне палітвязняў пры ўсталяванні стасункаў з рэжымам Лукашэнкі.
Тым не менш, Еўразвяз можа сёння абвесціць пра прыпыненні санкцый супраць беларускага рэжыму. Як да гэтага ставіцца Мікалай Статкевіч?
– Кожны вырашае сам, з кім яму сябраваць.
Нагадаем, што 29 кастрычніка Мікалай Статкевіч ладзіць першую публічную акцыю пасля выбараў. Яна пройдзе каля будынка КДБ у Менску. Пачатак а 18.30 па менскім часе.
Стас Дэдэрка, Беларускае Радыё Рацыя
