Міністр абароны Беларусі абвінаваціў Захад у „расхістванні сітуацыі” на постсавецкай прасторы
Нарошчванне заходнімі краінамі кааліцыйных ваенных патэнцыялаў пры актыўным пашырэнні ваеннай прысутнасці ЗША ў Еўропе з’яўляецца адной з асноўных крыніц пагрозы для краін Арганізацыі Дагавора аб калектыўнай бяспецы (АДКБ), заявіў на сённяшнім пасяджэнні Савета міністраў абароны АДКБ у Душанбэ (Таджыкістан) кіраўнік ваеннага ведамства Беларусі Віктар Хрэнін.
Як паведамляе прэс-служба Міністэрства абароны Беларусі, бакі сярод іншага абмеркавалі пытанні рэгіянальнай бяспекі і ўзаемадзеяння, абмяняліся меркаваннямі аб мерах па нейтралізацыі выклікаў і пагрозаў ваеннай бяспецы дзяржаў АДКБ.
Крыніцамі пагрозы для краін — удзельніц арганізацыі Хрэнін таксама назваў „неўрэгуляваныя ўзброеныя канфлікты”, у тым ліку ў Сірыі і Афганістане, і „высокі ровень міжнароднага тэрарызму і рэлігійнага экстрэмізму”.
Беларускае Радыё Рацыя
Глядзіце таксама
