Праваабаронцы: Пад 20 000 чалавек было на мітынгу Ціханоўскай у Берасці (абноўлена)

таму

Выдрукаваць Пракаментаваць (0) Падзяліцца

Дзясяткі тысяч чалавек, па падліках валанцёраў і праваабаронцаў, сабраліся на перадвыбарчы пікет кандыдата ў Прэзідэнты Рэспублікі Беларусь Святланы Ціханоўскай у Берасці. Горад стаў апошнім абласным цэнтрам у перадвыбарчых паездках згаданага кандыдата. Улады дазволілі правесці пікет у Парку воінаў-інтэрнацыяналістаў, што на ўскрайку горада ад 14:00 да 16:00. У дадатак агарадзілі месца правядзення масавага мерапрыемства турнікетамі.

Паводле прадстаўнікоў штаба Ціханоўскай, ейнае аўто некалькі разоў па дарозе ў Берасце спынялі супрацоўнікі ДАІ. Таму прыйшлося ўшчыльняць праграму пікета з-за позняга прыезду кандыдата:

– Вітаю, Берасце! Для нас зараз, для народа Беларусі, стаіць адна задача, і мы яе выканаем.

– Жыве Беларусь! Жыве Беларусь!

Зінаіда Міхнюк, давераная асоба кандыдата ў прэзідэнты Святланы Ціханоўскай:

– Людзі жадаюць пераменаў. Наша жаданне супала з жаданнем Святланы Ціханоўскай, таму яна – наш кандыдат.

Са сцэны акрамя самой Святланы Ціханоўскай, выступілі і цяперашнія прадстаўнікі ейнага штаба Марыя Калеснікава і Вераніка Цапкала. Усе трое, між іншым, закранулі і праблемныя пытанні рэгіёна ў сваіх прамовах, а гэта: паездкі на «закупы» ў Польшчу, акумулятарны завод, арышт мясцовых блогераў палітвязняў ды іншыя. У руках людзей была разнастайная сімволіка, але пераважна нацыянальная. Лозунгі і транспаранты таксама былі рознымі.

Завяршыўся пікет выступам па-беларуску опернай спявачкі Маргарыты Ляўчук. Пасля выступу Святлана Ціханоўская ў атачэнні аховы пакінула месца масавага мерапрыемства.

Цалкам матэрыял у далучаным файле:

[Pokaz zdjęć]

Беларускае Радыё Рацыя

***

У Берасці, на алеі каля сцэнічнай пляцоўкі ў Парку імя воінаў-інтэрнацыяналістаў, прайшоў мітынг у падтрымку кандыдаткі на прэзідэнта Беларусі Святланы Ціханоўскай.

А 14:00 гадзіне пачалася канцэртная праграма. Выступіў гурт „Разбітае сэрца пацана”.

Па дарозе ў Берасце машыну Ціханоўскай некалькі разоў спынялі для праверкі дакументаў.

Сваю прамову кандыдат у прзідэнты пачала са словаў удзячнасці берасцейцам за іх мужнасць:

– Я вельмі люблю ваш горад. І ваш горад стаў асаблівым для ўсёй Беларусі, і вы ведаеце чаму. Таму што ў апошнія 2 гады вы, менавіта вы, былі прыклады для ўсё краіны. Вы – простыя грамадзяне, сталі на абарону свайго горада, на абарону сваіх дзяцей, на абарону сваіх сем’яў, ад пагрозы, якую нясе будаўніцтва акумулятарнага завода.