У Крыме пачаліся вучэннні ўнутраных войск РФ
На тэрыторыі анэксаванага Крыма пачаліся масавыя вучэнні ўнутраных войск Расейскай Федэрацыі. Гэтыя вучэнні будуць праводзіцца ва ўсіх буйных гарадах паўвострава.
Больш падрабязна распавядзе наш украінскі карэспандэнт Марцін Война:
– Першы этап вучэнняў расейскіх унутраных войск на тэрыторыі анэксаванага Крыма праходзіць у Ялце, на стадыёне “Авангард”. Байцы, узброеныя гумовымі дубінкамі, газавымі балонамі і электрашокерамі, у якасці абароннага рыштунку выкарыстоўваюцца бронекамізэлькі, шаломы і гумовыя дубінкі. Большасць байцоў – не крымскія ўраджэнцы, а прызыўнікі з цэнтральных рэгіёнаў Расейскай Федэрацыі і рэспублік Паўночнага Каўказа, але ж сярод іх таксама заўважаныя былыя байцы ўкраінскага “Беркута”, якія здрадзілі прысязе і перайшлі на бок акупантаў.
Сцэнарый вучэнняў – разгон масавых акцый пратэсту, а таксама затрыманні пратэстоўшчыкаў.
Аналітыкі вытлумачваюць гэтыя вучэнні масавай незадаволенасцю крымчанаў той сітуацыяй, якая склалася на паўвостраве.
Марцін Война, Беларускае Радыё Рацыя
