На новы тэрмін вылучаныя 9 членаў Савета Рэспублікі

таму

Выдрукаваць Пракаментаваць (0) Падзяліцца

Сёння завяршыўся тэрмін падачы дакументаў у Цэнтрвыбаркам аб вылучэнні кандыдатаў у члены Савета Рэспублікі.

Рэгістрацыя кандыдатаў пройдзе з 9 па 13 кастрычніка.

Як сведчыць праведзены БелаПАН аналіз спісаў кандыдатаў у верхнюю палату, склад Савета Рэспублікі значна абновіцца: толькі дзевяць кандыдатаў вылучаныя паўторна.

Выбары ў Савет Рэспублікі пройдуць на безальтэрнатыўнай аснове. Мясцовыя саветы і адпаведныя выканкамы рэгіёнаў (усе вобласці і Менск) вылучаюць па восем кандыдатаў. 7 лістапада на пасяджэннях мясцовых саветаў дэпутатаў базавага ўзроўню ў кожнай вобласці і Менскага гарадскога савета дэпутатаў пройдзе тайнае галасаванне.

Восем з 64 членаў Савета Рэспублікі ў адпаведнасці з Канстытуцыяй прызначаюцца прэзідэнтам.

Савет Рэспублікі — верхняя палата Нацыянальнага сходу. У яго задачы ўваходзіць разгляд законапраектаў, прынятых ніжняй палатай (Палатай прадстаўнікоў).

Выбары ў Палату прадстаўнікоў пройдуць 17 лістапада.