Наталля Качанава пра абноўлены дэкрэт №3: Вы павінны адсачыць кожнага чалавека
Строгае патрабаванне з кіраўнікоў Менска будзе за выкананне прагнозных паказчыкаў па працаўладкаванні на новыя працоўныя месцы, росту заработнай платы і прыцягненню прамых замежных інвестыцый. Пра гэта заявіла кіраўнік Адміністрацыі прэзідэнта Наталля Качанава 14 жніўня на аператыўнай нарадзе ў Менгарвыканкаме.
«Пастаўлена задача да 1 кастрычніка прыняць абноўлены дэкрэт №3. Акцэнт пераносіцца на мясцовыя органы ўлады. Вы павінны адсачыць кожнага чалавека, скласці вывераныя спісы — прапануйце людзям працу, дапамагайце ім з працаўладкаваннем», – сказала Качанава.
Менску даведзена заданне дасягнуць у снежні ўзроўню сярэдняга заробку 1385 рублёў. «Трэба не толькі выйсці ў снежні на гэты параметр, але і ўтрымаць яго», – падкрэсліла кіраўнік Адміністрацыі прэзідэнта.
Глядзіце таксама
