Наталля Лукашэвіч: Патрэбныя перамены ў розных сферах
Аб’яднаная грамадзянская партыя вылучыла на партыйным з’ездзе на выбары ў дэпутаты Палаты прадстаўнікоў 70 чалавек.
У Гародні такім чынам вылучаны новыя людзі, якія да гэтага часу не ўдзельнічалі ў выбарах – гэта Наталля Лукашэвіч і Віктар Данільчык:
– Лічу, што патрабуюцца змены для паляпшэння жыцця – эканамічныя, палітычныя. Я маці дваіх дзяцей, я жадаю сваім дзецям лепшай будучыні, для гэтага патрэбныя перамены ў розных сферах – палітычнай, эканамічнай, адукацыйнай. Дзеля гэтага і вырашыла балатавацца, бо заканадаўства трэба мяняць.
Віктар Данільчык:
– У кампаніі 2016 года я вырашыў ісці, бо з’яўляюся прадпрымальнікам, а ў нашым прадпрымальніцкім асяродзі зараз вельмі вялікая праблема. Адна з маіх праграм, па якой я менавіта іду ў дэпутаты, гэта праблема прадпрымальніцтва, адпаведна развіццё прадпрымальніцтва ў Беларусі, а таксама дапамога ў развіцці і станаўленні прадпрымальнікаў.
Апроч актывістаў, што ўпершыню ўдзельнічаюць у палітычнай барацьбе, дэпутатам у Гародні паспрабуе стаць актывіст АГП з Астраўца Іван Крук, які ўдзельнічае ў выбарах з 1996 года.
Беларускае Радыё Рацыя, Гародня
