Нацыянальны Аргкамітэт па святкаванні 100-годдзя БНР выступіў з заявай
Нацыянальны Аргкамітэт па святкаванні 100-годдзя Беларускай Народнай Рэспублікі выступіў з заявай, у якой рашуча асуджае прэвентыўныя затрыманні сябраў Аргкамітэта: Максіма Вінярскага, Уладзіміра Някляева, Вячаслава Сіўчыка, а таксама сябра Моладзі БНФ Арцёма Касаварава.
ЗАЯВА
Нацыянальнага Аргкамітэта па святкаванні 100-годдзя Беларускай Народнай Рэспублікі.
Нацыянальны Аргкамітэт па святкаванні 100-годдзя БНР выказвае рашучы пратэст супраць прэвентыўнага затрымання напярэдадні 25 сакавіка – Дня Незалежнасці – сябраў Аргкамітэта: Максіма Вінярскага, Уладзіміра Някляева, Вячаслава Сіўчыка, а таксама сябра Моладзі БНФ Арцёма Касаварава.
Мы лічым, што затрыманні трох сябраў Аргкамітэта і сябра Моладзі БНФ звязаныя з іх дзейнасцю па падрыхтоўцы і правядзенні святочных мерапрыемстваў да 100-годдзя аднаўлення беларускай дзяржаўнасці і патрабуем іх недакладнага вызваленя.
Мы спадзяемся, што адзначэнне найвялікшага нацыянальнага свята беларускага народа пройдзе годна, мірна і цывілізавана. Заклікаем улады Беларусі спыніць рэпрэсіўную практыку ў дачыненні да грамадзянаў сваёй краіны.
Звяртаем увагу беларускай і міжнароднай грамадзянскіх супольнасцяў на абяцанне ўладаў Беларусі “знайсці агульную мову” з арганізатарамі мерапрыемстваў.
Спадзяемся, што арыштаваныя сябры Нацыянальнага Аргкамітэта і Моладзі БНФ разам з намі, на волі, годна адсвяткуюць 100-годдзе аднаўлення Незалежнасці нашай дзяржавы.
Свабоду Максіму Вінярскаму!
Свабоду Арцёму Касавараву!
Свабоду Уладзіміру Някляеву!
Свабоду Вячаславу Сіўчыку!
Жыве Беларусь!
22 Сакавіка 2018 г.
г. Менск
Беларускае Радыё Рацыя
Глядзіце таксама
