Новы віток гандлёвай вайны паміж ЗША і Кітаем
Мінфін Кітая абвясціў аб увядзенні 25%-най пошліны на 659 тавараў, імпартаваных з ЗША. Пекін прыняў такое рашэнне ў адказ на аналагічныя дзеянні з боку Вашынгтона.
Прэзідэнт Дональд Трамп наблізіў перспектыву гандлёвай вайны паміж ЗША і Кітаем, абвясціўшы аб увядзенні пошлін на імпарт кітайскіх тавараў коштам 50 мільярдаў даляраў, на што найбуйнейшы гандлёвы партнёр краіны паабяцаў меры ў адказ, паведамляе finanz.ru.
Рэакцыя Кітая сведчыла аб хуткай эскалацыі канфлікту. КНР увядзе падобныя па маштабе пошліны на імпарт прадукцыі ЗША, а дасягнутыя раней дамоўленасці бакоў страцяць сілу, гаварылася ў апублікаванай на сайце Міністэрства камерцыі паведамленні, якое пасля было выдаленае. У заяве, распаўсюджанай па электроннай пошце, Трамп абяцаў дадатковыя пошліны, калі КНР ажыццявіць пагрозы і ўвядзе контрмеры.
Першая порцыя пошлін на тавары коштам 34 мільярды даляраў уступае ў сілу з 6 ліпеня, а тарыфы ў дачыненні да прадукцыі яшчэ на 16 мільярдаў даляраў ўсё яшчэ абмяркоўваюцца, вынікае з паведамлення Гандлёвага прадстаўніцтва ЗША. Фінальны спіс тавараў уключае 1102 пазіцыі, у тым ліку робататэхнікі, аэракасмічнае, прамысловае абсталяванне і аўтамабілі. У спіс не ўвайшлі спажывецкія тавары, у тым ліку мабільныя тэлефоны і тэлевізары.
„ЗША больш не могуць мірыцца са стратай сваіх тэхналогій і інтэлектуальнай уласнасці з-за несправядлівых эканамічных практык”, – гаворыцца ў паведамленні Трампа.
