Пагадненне аб спрашчэнні візавага рэжыму можа быць падпісана ў чэрвені
Пагадненне аб спрашчэнні візавага рэжыму паміж Еўрапейскім Звязам і Беларуссю можа быць падпісанае да канца старшынства Латвіі ў Еўразвязе – да 1 ліпеня 2015 года. Пра гэта заявіў дзяржаўны сакратар Міністэрства замежных спраў Латвіі Андрэйс Пілдэговічс: “У пятніцу мы будзем абмяркоўваць гэтыя тэмы, але канкрэтна падпісаць дакументы мы спадзяёмся ў сярэдзіне чэрвеня».
Спрашчэнне візавага рэжыму дасць пэўныя выгоды грамадзянам Беларусі. Яны на сённяшні дзень параўнальна з бліжэйшымі суседзямі — з Расейскай Федэрацыяй і Украінай — знаходзяцца ў горшых умовах для наведвання краін Еўрапейскага Звязу. Калі нашы суседзі плацяць за шэнгенскую візу 35 еўра, дык грамадзяне Беларусі мусяць плаціць за яе 60 еўра. Калі ж пачне дзейнічаць паслабленне, то і беларусам віза будзе каштаваць 35 еўра.
Перамовы паміж Бруселем і Менскам пра спрашчэнне візавага рэжыму ўзнавіліся ў чэрвені 2014 года. Першапачаткова бакі заяўлялі, што гатовыя падпісаць неабходныя дакументы 22 траўня на саміце «Ўсходняга партнёрства». Аднак цяпер стала вядома, што парафіраванне дамовы адкладваецца на месяц.
Беларускае Радыё Рацыя
Глядзіце таксама
