Палітвязень Ілля Лабацэвіч трапіў у лякарню
Палітвязень Ілля Лабацэвіч трапіў у лякарню: у яго ўтварыўся тромб у назе. Таксама яго пазбавілі спатканняў, пасылак і перадач да 16 траўня.
Пра гэта паведамляе Праваабарончы цэнтр “Вясна”. Ілля Лабацэвіч – жыхар Наваполацка, асуджаны на паўтары гады калоніі па артыкуле 364 Крымінальнага кодэкса. 14 верасня Ілля гуляў з маці, калі побач з імі амапаўцы пачалі збіваць чалавека. Яны вырашылі заступіцца за хлопца. У выніку іх таксама пачалі збіваць. Ілля стаў бараніць ад удараў маці, за што атрымаў сур’ёзны ўдар па галаве дубінкай.
Беларускае Радыё Рацыя
Фота: spring96.org
Глядзіце таксама
