Папа Рымскі прыбыў на востраў Лесбас да бежанцаў
Папа Рымскі Францішак у суботу, 16 красавіка, прыбыў на грэчаскі востраў Лесбас у Эгейскім моры.
(Фота corriere.it)
Пантыфік плануе правесці сустрэчу з бежанцамі ў лагеры Морыя, у якой таксама возьмуць удзел патрыярх Канстанцінопальскі Варфаламей і архіепіскап Еранім Другі.
Тры духоўныя пастыры маюць намер падпісаць сумесную заяву і памаліцца за мігрантаў, якія загінулі пры пераправе праз Эгейскае мора.
Папа Рымскі таксама сустрэўся з прэм’ер-міністрам Грэцыі Алексісам Цыпрасам.
