Парашэнка перадаў Туску санкцыйны „спіс Саўчанкі”
Прэс-сакратар украінскага лідара Святаслаў Цэголка паведаміў, што прэзідэнт Украіны Пётр Парашэнка перадаў кіраўніку Еўрасавета Дональду Туску прапановы па санкцыях супраць асоб, якія маюць дачыненне да справы Надзеі Саўчанкі.
Парашэнка знаходзіцца з візітам у Бруселі, ён ужо правёў сустрэчу з Тускам і кіраўніком Еўракамісіі Жанам-Клодам Юнкерам. „Прэзідэнт перадаў Туску санкцыйныя прапановы супраць асоб, якія фабрыкавалі справу супраць Саўчанкі”, – напісаў Цэголка ў Twitter.
Пазней ён дадаў, што „спіс Саўчанкі” Парашэнка перадаў таксама і прэзідэнту Еўрапарламента Марціну Шульцу.
Раней польскі дэпутат Еўрапарламента Яцэк Сарыюш-Вольскі размясціў у сваім мікраблогу ў Twitter зварот да кіраўніка еўрапейскай дыпламатыі Федэрыка Магерыні з заклікам увесці санкцыі ў дачыненні да некалькіх дзясяткаў расейскіх афіцыйных асоб у сувязі са справай Саўчанкі.
Напярэдадні Цэголка заявіў, што Парашэнка каардынуе з ЕЗ і ЗША падрыхтоўку спісу санкцый у сувязі са справай Саўчанкі.
Фота telegraf.com.ua
Глядзіце таксама
