Партыя БНФ падтрымала Таццяну Караткевіч
Сойм Партыі БНФ 25 красавіка прыняў рашэнне не вылучаць свайго партыйнага кандыдата на прэзідэнцкія выбары 2015 года. Сябры Сойма прынялі рашэнне падтрымаць у якасці кандыдата прадстаўніцу БСДП (Грамада) Таццяну Караткевіч, якая, да таго ж, вылучаецца кааліцыяй „Народны рэфэрэндум”.
„Паколькі адзінага кандыдата ад усёй апазіцыі не будзе, то патрэбна мець адзінага кандыдата хаця б ад кааліцыі „Народны рэфэрэндум”, – кажа намеснік старшыні Партыі БНФ Рыгор Кастусёў:
– На жаль адзінства ў апазіцыі даўно няма. Я спадзяюся, і спадзяецца ўся Партыя БНФ, што гэты крок будзе прыкладам для ўсіх арганізацый у падтрымку адзінага кандыдата. Каштоўнасці Партыі БНФ неаспрэчныя і Караткевіч таксама не саступіць з гэтай пазіцыі.
Як сказаў намеснік старшыні Партыі БНФ Рыгор Кастусёў, „цяпер захаванне адзінства – самае важнае, яно вышэйшае за нашы партыйныя інтарэсы”.
Беларускае Радыё Рацыя
