Паўла Вінаградава асудзяць за труну
Актывіста моладзевай грамадзянскай ініцыятывы «Zмена» Паўла Вінаградава будуць судзіць за акцыю пратэсту супраць новых падаткаў, якая прайшла 31 студзеня ў Менску.
Адміністрацыйны працэс пачнецца апоўдні 5 лютага ў судзе Маскоўскага раёна сталіцы, паведаміў БелаПАН Вінаградаў.
Увечары 3 лютага Вінаградаву патэлефанавалі з міліцыі і запрасілі прыбыць на наступны дзень у РУУС Маскоўскага раёна Менска для складання пратаколу.
«На мяне склалі пратакол аб адміністрацыйным правапарушэнні па арт. 23.34, – сказаў грамадскі актывіст. – Пасля гэтага мяне пераканаўча папрасіла да сябе зайсці Крымінальна-выканаўчая інспекцыя Маскоўскага раёна, дзе мяне некалькі разоў папярэдзілі пра адказнасць за ўчыненне правапарушэнняў».
«Я думаю, што ўсім і так зразумела, што ў мяне будзе штраф. У нас цяпер, наколькі я разумею, нікога не садзяць як мінімум да таго, як здымуць санкцыі і атрымаюць крэдыт», – падсумаваў Вінаградаў.
https://www.youtube.com/watch?v=6NoMs4mAgVM
