Павал Севярынец: Украіна – месца, дзе важыцца лёс еўрапейскай цывілізацыі
8-га ліпеня ва Уфе падчас працы Шанхайскайскай арганізацыі супрацоўніцтва чарговым разам было заяўлена, што Беларусь стала “планетарным цэнтрам дамоўленасцей па Украіне”.
Тым часам, ў Гомельскую вобласць днямі прыбыла да тысячы бежанцаў з Данбаса, а ўсяго адтуль з’ехала да мільёна жыхароў.
Кажа сустаршыня Беларускага камітэта салідарнасці з Украінай Павал Севярынец:
– Расейская прапаганда і палітыка робяць усё, каб уз’яднанне Украіны не адбылося, але ў гістарычнай перспектыве Україна мае толькі адзін шлях – далучаць гэтыя землі і гэтых людзей – мяккай сілай, любоўю, перамогай свайго ладу жыцця над тым, які прапануе Крэмль – мінуўшчынай, якая зараз пануе ў разбураным Данбасе. Дай Бог поспеху Украіне, бо гэта – месца, дзе важыцца лёс еўрапейскай цывілізацыі агулам.
Сітуацыя ў Данбасе ізноў выходзіць з-пад кантролю, улічваючы артабстрэлы бакоў ды загубу людзей. Імаверна, за геапалітыкай ды пошукамі “самавызначэння” ДНР ды ЛНР убаку застаюцца лёсы простых данбасцаў, якім наканавана самавыжыванне.
Віталь Сямашка, Беларускае Радыё Рацыя
Глядзіце таксама
