Павел Севярынец асуджаны на 15 сутак
У судзе Цэнтральнага раёна Менска адбыліся чарговыя суды над удзельнікамі мітынгу 8 верасня, у Дзень беларускай вайсковай славы. Некалькі спраў скончыліся адміністрацыйнымі арыштамі.
Так сустаршыня аргкамітэта па стварэнні партыі „Беларуская хрысціянская дэмакратыя” Павел Севярынец асуджаны на 15 сутак.
– 15 сутак за абарону незалежнасці, якія дае суд Рэспублікі Беларусь, – гэта, канешне, абсурд. Іншай ацэнкі няма. Відаць, змянілася нейкая палітычная абстаноўка і , як заўсёды гэта бывае, усё вяртаецца на свае колы. 15 сутак – у гэтым нічога новага: рэпрэсіі ідуць той жа хадой. Таму пра ніякую лібералізацыю гаворкі няма.
Павел Севярынец віны падчас разгляду справы не прызнаў. І будзе абскарджваць гэтае судовае рашэнне.
Таксама асуджаныя берасцейскія актывісты Андрэй Шарэнда на 15 і Наталля Папкова на 7 сутак, Уладзімір Няпомняшчых з Гомеля і Аляксандр Абрамовіч з Барысава атрымалі штрафы па 50 базавых велічынь (1150 рублёў), а Маргарыта Федароўская з Менска – 20 базавых (460 рублёў).
Генадзь Барбарыч, Беларускае Радыё Рацыя, Менск
Глядзіце таксама
