Паветраная трывога на значнай частцы тэрыторыі Украіны, выбухі ў Кіеве
Раніцай 18-га кастрычніка расейцы атакавалі некалькі абласцей Украіны.
У сталіцы краіны – Кіеве адбыліся тры ўдары па энергетычнай інфраструктуры ў Дзяснянскім раёне. Жыхароў просяць захоўваць інфармацыйную цішыню і знаходзіцца ў сховішчах.
У Дняпры таксама адбыліся ўдары па энергетычнай інфраструктуры. У вобласці – праблемы з забеспячэннем вадой і электрычнасцю.
У Харкаве за пяць хвілін прагучалі дзве серыі выбухаў, спыніла працу метро. Дзве ракеты трапілі ў энергетычны аб’ект Жытоміра. Акрамя таго, прагучалі выбухі ў Запарожжы.
Адбылася атака на Нікалаеўшчыну, у горадзе прапала святло. Уначы ў вобласці збілі пяць дронаў-камікадзэ. Прагучалі выбухі ў Крывым Рогу.
