Перспектывы ваенных кантактаў з ЗША абмеркавалі ў Мінабароны
Перспектывы развіцця ваенных кантактаў з ЗША абмеркавалі 23 сакавіка ў Міністэрстве абароны Беларусі, паведамілі ў абаронным ведамстве.
У Мінабароны адбылася пратакольная сустрэча з амерыканскім бокам. Міністр абароны генерал-маёр Віктар Хрэнін сустракаўся з часовым павераным у справах ЗША ў Беларусі Джэніфер Мур.
„Бакі абмяняліся меркаваннямі па актуальных пытаннях міжнароднай і рэгіянальнай бяспекі, а таксама абмеркавалі перспектывы развіцця ваенных кантактаў”, – праінфармавалі ў Мінабароны.
