Польшча адправіла ва Украіну новую партыю танкаў Leopard
Польшча ўжо адправіла ва Украіну яшчэ 10 танкаў Leopard 2. Да гэтага Варшава перадала Кіеву чатыры такія танкі.
Пра гэта заявіў міністр абароны Польшчы Марыюш Блашчак, паведамляе Мінабароны Польшчы.
Польшча стала першай з краін-партнёраў, якая перадала Украіне сучасныя танкі Leopard 2. Першыя чатыры машыны Варшава адправіла на гадавіну поўнамаштабнай вайны.
Акрамя таго, прэзідэнт Анджэй Дуда заявіў, што Польшча гатова перадаць Украіне ўсе знішчальнікі МіГ-29, якія знаходзяцца ў працоўным стане і стаяць на ўзбраенні Паветраных сіл краіны.
