Польшча адзначыла 105-ыя ўгодкі Дня Незалежнасці
Прайшлі дзяржаўныя мерапрыемствы з нагоды Дня нацыянальнай незалежнасці. У Варшаве ва ўрачыстасцях з нагоды 105-годдзя аднаўлення незалежнасці ўдзельнічалі найважнейшыя палітыкі. Канцэрты, шоу і выязныя прабегі былі арганізаваныя ў найбуйнейшых гарадах Польшчы.
***
11 лістапада споўнілася 105 гадоў з дня аднаўлення Польшчай незалежнасці. Нацыянальны дзень незалежнасці – адно з найважнейшых дзяржаўных святаў для палякаў.
Гэта адбылося галоўным чынам дзякуючы настойлівасці і шчодрасці актыўнай часткі польскага грамадства, якое перадало маладым палякам прыхільнасць да нацыянальнай мовы і культуры ў часы няволі.
Нацыянальны дзень незалежнасці – дзяржаўнае свята ў Польшчы, якое адзначаецца штогод 11 лістапада ў памяць аб аднаўленні Польшчай незалежнасці ў 1918 годзе пасля 123 гадоў падзелаў (1795–1918). Свята было ўстаноўлена Законам ад 23 красавіка 1937 г., скасавана Законам Нацыянальнага савета ад 22 ліпеня 1945 г. і адноўлена Законам падчас трансфармацыі сістэмы ў 1989 г. Гэта выхадны дзень.
Аднаўленне незалежнасці Польшчай было паступовым працэсам. Выбар 11 лістапада можа быць апраўданы супадзеннем падзей у Польшчы з заканчэннем Першай сусветнай вайны, дзякуючы спыненню агню ў Камп’ене 11 лістапада 1918 г., якое зафіксавала канчатковую паразу Германіі. Напярэдадні Юзаф Пілсудскі прыехаў у Варшаву. За гэтыя два дні, 10 і 11 лістапада 1918 г., польскі народ напоўніцу ўсвядоміў аднаўленне незалежнасці.
Беларускае Радыё Рацыя
