Польшча перадала Украіне больш за 200 танкаў
Польшча перадала Украіне танкі для фармавання двух брыгад. Гэта складае больш за 200 танкаў Т-72, або каля паловы бранявых машын гэтага тыпу, якія знаходзяцца на ўзбраенні краіны. Пра гэта паведамляе Польскае радыё.
Агульны аб’ём ваеннай дапамогі перавысіў 7 млрд злотых (каля 1,6 млрд даляраў). Таксама ва Украіну былі адпраўлены некалькі дзясяткаў БМП. Сярод перададзеных узбраенняў таксама згадваюцца самаходныя гаўбіцы 2С1 „Гваздзіка”, РСЗА „Град”, ракеты „паветра-паветра” для самалётаў МіГ-29 і Су-27.
Акрамя цяжкай тэхнікі, Украіна атрымала разведвальныя дроны польскай кампаніі WB Electronics, дроны-камікадзэ Warmate і ПЗРК Piorun.
