Прэзідэнт Польшчы сустрэўся з прадстаўнікамі нацменшасцяў
Анджэй Дуда сустрэўся з членамі супольнай камісіі ўраду ды нацыянальных і этнічных меншасцяў.
(Фота PAP)
З прамовай выступіў сустаршыня супольнай камісіі ўраду ды нацыянальных і этнічных меншасцяў Рафал Бартэк, у якой былі прадстаўлены галоўныя чаканні, праблемы і патрэбы меншасцяў. Пасля гэтага адбылася дыскусія з удзелам прэзідэнта Анджэя Дуды.
Галоўнае – гэта талерантнасць, захаванне культуры меншасцяў, фінансаванне дзейнасці арганізацый і захаванне мовы, кажа член супольнай камісіі Ян Сычэўскі:
– Сустрэча была не толькі прыязным жэстам, але даволі практычная. Калі прэзідэнт падсумоўваў усе гэтыя выступленні, дык падкрэсліў, што ён заўсёды гатовы праводзіць размовы з прадстаўнікамі меншасцяў, і нават калі індывідуальна нехта захоча з ім сустрэцца, то палац яго будзе адкрыты. У адносінах да папраўкі ў закон аб нацыянальных меншасцях ён сказаў, што не была належна падрыхтаваная, і думаю, што можна прызнаць рацыю.
Прэзідэнт Анджэй Дуда выказаўся супраць праяваў шавінізму, кажа член супольнай камісіі Славамір Іванюк:
– Таму, што яго жонка па паходжанні яўрэйка так, што ён шануе ўсе меншасці. Ён працытаваў Канстытуцыю, што польскі народ – гэта ўсе грамадзяне дзяржавы, не толькі палякі па нацыянальнасці, але таксама іншыя нацыянальнасці.
Сустрэча ў прэзідэнцкім палацы цягнулася больш за гадзіну.
Радаслаў Дамброўскі, Беларускае Радыё Рацыя
