Пуцін і Меркель сустрэліся ў Сочы
Прэзідэнт Расеі Уладзімір Пуцін сустрэўся з канцлерам ФРГ Ангелай Меркель у Сочы.
Па словах расейскага лідара, бакі абмяркуюць двухбаковыя адносіны, прайшоўшыся „па самых праблемных кропках”.
– Вялікі дзякуй, што вы палічылі магчымым прыехаць да нас, праінфармаваць пра тое, як ідзе падрыхтоўка да „дваццаткі” ў Гамбургу. І, вядома, мы не можам не скарыстацца гэтым візітам для таго, каб пагаварыць аб двухбаковых адносінах, па найбольш праблемных кропках. Я маю на ўвазе Украіну, Сірыю, магчыма, іншыя нейкія рэгіёны, – сказаў расейскі лідар.
Меркель у сваю чаргу назвала Расею важным партнёрам па „Вялікай дваццатцы”.
– Вядома, мы абмяркуем сітуацыю ў „Вялікай дваццатцы”, дзе Расея з’яўляецца важным партнёрам, – сказала яна.
Фота: © L! FE / Аляксей Галянішчаў
