Пуцін і Трамп сустрэліся на палях саміту G20
Прэзідэнты Расеі і ЗША – Уладзімір Пуцін і Дональд Трамп – правялі асабістую сустрэчу на палях саміту G20. Гэта першая асабістая сустрэча прэзідэнтаў Расеі і ЗША, раней лідары размаўлялі толькі па тэлефоне.
Уладзімір Пуцін заявіў Дональду Трампу, што рады пазнаёміцца з ім і разлічвае на пазітыўны вынік сустрэчы. „Я вельмі рады з вамі пазнаёміцца і спадзяюся, што, як вы сказалі, наша сустрэча прынясе пазітыўны вынік”, – сказаў расейскі лідар.
Дональд Трамп таксама заявіў, што рады сустрэчы з Уладзімірам Пуціным. „Я вельмі рады з вамі сустрэцца, мы ўжо абмяркоўвалі шэраг пытанняў. І я з нецярпеннем чакаю такой магчымасці, гэта будзе пазітыў як для Расеі і ЗША, так і для ўсіх, хто мае дачыненне”, – сказаў Дональд Трамп.
У сустрэчы з расейскага боку прыняў удзел кіраўнік МЗС Сяргей Лаўроў, з амерыканскай – дзяржсакратар Рэкс Цілерсан. У пакой для перамоў было запрошана больш за 30 журналістаў. Зрабіўшы кароткія заявы, лідары далі зразумець, што адкрытая для прэсы частка сустрэчы завяршылася. Уладзімір Пуцін і Дональд Трамп аддалі перавагу не адказваць на пытанні прадстаўнікоў СМІ. Пасля таго, як журналісты адышлі, сустрэча працягнулася ў закрытым рэжыме.
У Гамбургу 7-8 ліпеня праходзіць саміт лідараў краін G20. Прыярытэтныя тэмы цяперашняга форуму: барацьба са зменай клімату, пытанні дапамогі ў пераадоленні наступстваў голаду на планеце, развіццё Афрыкі, узмацненне ролі жанчыны ў грамадстве.
Фота Reuters
Глядзіце таксама
