Пуцін нагадаў інтэрнэт-ананімам пра Берыю
Прэзідэнт Расеі Уладзімір Пуцін заявіў, што ўсе скаргі на працу розных арганізацый, якія падаюцца праз інтэрнэт, павінны быць падпісаныя.
Уладзімір Пуцін (Фота Reuters)
На думку прэзідэнта, ананімам у інтэрнэце вельмі лёгка „хаміць, абзывацца і пры гэтым заяўляць сваю пазіцыю нейкую крайнюю”.
„Калі ў чалавека ёсць нейкая пазіцыя, нейкія прэтэнзіі, хай ён скажа, назаве сябе. Інакш гэта не прэтэнзіі і не скаргі, гэта ананімка. Тут толькі адзін правяраючы добра працаваў – Лаўрэнцій Паўлавіч Берыя – з ананімкамі”, – сказаў Пуцін.
Ён адзначыў, што гэта тычыцца не толькі скаргаў на бізнес-структуры. Пры гэтым раней у сераду расейскі Канстытуцыйны суд прызнаў, што грамадзянам і юрыдычным асобам не абавязаныя паведамляць, хто напісаў на іх скаргі, фактычна легалізаваўшы ананімкі.
Лаўрэнцій Берыя з 1938 па 1945 узначальваў НКВД. Пасля смерці Іосіфа Сталіна Берыю абвінавацілі ў арганізацыі масавых рэпрэсій, а таксама ў шпіянажы і падрыхтоўцы дзяржаўнага перавароту. У адпаведнасці з прысудам яго расстралялі.
