Вярхоўная Рада перайменавала Днепрапятроўск
Вярхоўная Рада перайменавала горад Днепрапятроўск у Дняпро (Дніпро) у мэтах выканання закона аб дэкамунізацыі.
Адпаведную пастанову падтрымалі 247 народных дэпутатаў. Адзначым, у сувязі з перайменаваннем жыхарам горада дакументы мяняць не трэба.
29-га снежня мінулага года Днепрапятроўскі гарсавет прыняў рашэнне пакінуць гораду цяперашнюю назву і лічыць, што ён названы ў гонар святога Пятра. Таксама дэпутаты звярнуліся да Вярхоўнай Рады з просьбай захаваць Днепрапятроўску ягоную назву.
Горад да 1796 года называўся Екацярынаслаў, з 1796 г. па 1802 гг. – Наварасійск, з 1802 па 1926 гг. – Екацярынаслаў.
20 ліпеня 1926 года быў перайменаваны ў гонар рэвалюцыянера, савецкага партыйнага і дзяржаўнага дзеяча Рыгора Пятроўскага.
Фота nf.dp.ua
