Раман Кісляк: Гэта не выбары, а экзамен па граматыцы
Скаргі на адмовы ў рэгістрацыі кандыдатаў ад праціўнікаў будаўніцтва акумулятарнага завода падрыхтавалі ў Берасці. Актывісты не згодныя з рашэннем камісіі.
Яны настойваюць на адмене рашэнняў, распавёў праваабаронца Раман Кісляк:
– Фактычна гэта не выбары, а нейкі экзамен па граматыцы. Большасць асноўных памылак – гэта замест ё, падпісчыкі пісалі ў прозвішчах і імёнах па бацьку е. Паводле правілаў расейскай мовы гэта дапускаецца. Таксама ёсць іншыя – о, а. Шчыра кажучы гэта смешна.
У першую чаргу павінна правярацца сапраўднасць подпісаў, воля выбаршчыкаў, а не нейкія граматычныя памылкі і абдрукоўкі, падагульніў эксперт у галіне права.
Беларускае Радыё Рацыя, Берасце
