Рыгор Кастусёў: Беларусь бліжэйшым часам чакае эканамічны калапс
Старшыня Партыі БНФ Рыгор Кастусёў прагназуе сыход нелегітымнай улады праз 2-3 месяцы.
Вялікія праблемы эканомікі вымусяць Аляксандра Лукашэнку пайсці на перамовы, – кажа Рыгор Кастусёў:
– Беларусь у бліжэйшы час чакае эканамічны калапс. Праз дубінку эканомікай кіраваць немагчыма. Дубінкай можна разагнаць людзей, можна забіць чалавека, а эканоміка працуе зусім па іншых правілах. Вось калі Лукашэнка гэта зразумее, тады ён будзе вымушаны пайсці на перамовы.
На думку палітыка, існуе і другі варыянт сыходу дыктатара – Лукашэнку здасць яго ж атачэнне:
– Для Лукашэнкі гэта будзе самы горшы варыянт, калі яго атачэнне проста яго здасць. Або здасць атачэнню, якое асабіста вакол яго, або здасць яго сілавым структурам іншай краіны. Я маю на ўвазе Крэмль.
Паводле Рыгора Кастусёва, паводзіны Лукашэнкі ўсё больш і больш расхістваюць грамадства, а неадэкватныя рашэнні небяспечныя не толькі яго праціўнікам але і прыхільнікам.
Цалкам матэрыял слухайце ў далучаным файле:
Беларускае Радыё Рацыя
Глядзіце таксама
