Сацыял-дэмакратаў свету заклікалі да салідарнасці з беларускімі палітвязнямі
У Менску адбылося пасяджэнне Выканаўчага Бюро Беларускай сацыял-дэмакратычнай партыі (Народная Грамада). Разглядаліся пытанні арганізацыйнага будаўніцтва. Сябрам Бюро былі прадстаўлены новыя рэгіянальныя лідары Народнай Грамады. Пра гэта ў „Фэйсбуку” напісаў адзін з лідараў Беларускага Нацыянальнага Кангрэсу, старшыня БСДП (Народная Грамада) Мікалай Статкевіч.
Таксама былі разгледжаны вынікі веснавога этапа кампаніі „Уладу – народу!”. Бюро падтрымала рашэнне Рады Беларускага Нацыянальнага Кангрэса аб правядзенні 3 ліпеня масавай акцыі ў Менску.
Сябры Бюро прынялі зварот да братніх сацыял-дэмакратычных партый іншых краін з заклікам да салідарнасці ў справе вызвалення Сяргея Кунцэвіча і іншых палітзняволеных.
Беларускае Радыё Рацыя
