Шаран Бароў: У Беларусі існуе прымусовая праца і “рабства ў XXI стагоддзі”
На хвалі чарговай спробы наладзіць адносіны з Захадам беларускія ўлады могуць некалькі палепшыць і становішча незалежных прафсаюзаў. Але змены будуць насіць касметычны характар, адзначаюць эксперты.
Генеральны сакратар Міжнароднай канфедэрацыі прафсаюзаў Шаран Бароў зрабіла шэраг рэзкіх заяваў па выніках свайго візіту ў Менск. Яна адзначыла, што і да прыезду сюды была ў курсе складанай сітуацыі з незалежнымі прафсаюзамі ў краіне.
«Але была шакаваная тымі фактамі ўзмацнення дыскрымінацыі ў дачыненні да свабодных прафсаюзаў, – сказала Барроу на выніковай прэс-канферэнцыі.
Старшыня Беларускага кангрэсу дэмакратычных прафсаюзаў Аляксандр Ярашук згодны з такой ацэнкай.
– Гэта была ўзгодненая пазіцыя з намі, яна прста трансфармавалася ў ацэнкі Шаран Бароў, і ўся жорсткасць гэтых ацэнак апраўдана.
Шаран Бароу была здзіўленая наступствамі дэкрэта Лукашэнкі № 9, які тычыцца фактычна прымусовай працы. Па яе словах, яна працуе ў многіх праблемных рэгіёнах, у тым ліку краінах Персідскага заліва, дзе існуюць сур’ёзныя праблемы ў плане дыялогу з уладамі, але рабства ў XXI стагоддзі – такое мала дзе сустрэнеш», – адзначыла Генеральны сакратар Міжнароднай канфедэрацыі прафсаюзаў.
Антон Разумоўскі, Беларускае Радыё Рацыя
Глядзіце таксама
