Што прывязе Аляксандр Лукашэнка з Кітая?
Палітолаг Андрэй Фёдараў распавядае, што краіна можа займець ад візіта беларускага кіраўніка ў Кітай.
Аляксандр Лукашэнка 1-3 верасня з рабочым візітам наведае КНР, дзе возьме ўдзел ва ўрачыстых мерапрыемствах, прымеркаваных да 70-годдзя перамогі ў антыяпонскай вайне і заканчэння Другой сусветнай вайны, паведамляе прэс-служба прэзідэнта.
Падчас візіту запланаваны таксама шэраг сустрэч Лукашэнкі з кіраўніцтвам Кітая.
Ва ўрачыстасцях возьмуць удзел прадстаўнікі 49 краін, у тым ліку лідары і кіраўнікі ўрадаў 30 краін.
Андрэй Фёдараў: Не думаю, што візіт дасць нейкія вялікія вынікі, бо падчас урачыстасцяў наўрад ці будзе ў кіраўніцтва Кітая час і жаданне абмяркоўваць з Лукашэнкам нейкія глабальныя пытанні. Так што гэта хутчэй цырыманіяльны візіт.
РР: Тым не менш, падчас візіту запланаваны шэраг сустрэч Лукашэнкі з кіраўніцтвам Кітая. Магчыма, размова ізноў пойдзе пра крэдыты?
Андрэй Фёдараў: Не выключана. Хоць мне здаецца, што Пекіну ў такой сітуацыі будзе не да гэтага. Можа адбыцца сімвалічная сустрэча, але наўрад ці размова пойдзе пра нешта сур’ёзнае.
РР: Ці ёсць у апошні час прагрэс у беларусака-кітайскіх стасунках?
Андрэй Фёдараў: Кантакты на самым высокім узроўні падтрымліваюцца пастаянна, ідуць нейкія сумесныя эканамічныя праекты, але казаць пра прарыў у адносінах казаць нельга. У Кітаі зараз эканоміка таксама не ў самым лепшым стане. І чакаць, што КНР пачне ўліваць вялізныя сродкі ў беларускую эканоміку, не даводзіцца.
Кастусь Заблоцкі, Беларускае Радыё Рацыя
Фота chinanews.com
Глядзіце таксама
