СМІ: Лідар «Ісламскай дзяржавы» ліквідаваны
Лідар тэрарыстычнай групоўкі «Ісламская дзяржава» Абу Бакр аль-Багдадзі ліквідаваны. Пра гэта паведамляе ТАСС са спасылкай на інтэрнэт-партал «Элаф».
Выданне інфармуе, што верхавод ІД забіты ў выніку авіяўдару антытэрарыстычнай кааліцыі, якую ўзначальвае ЗША.
Яшчэ адзін інтэрнэт-партал «Вілает Рака» таксама паведамляе, што Абу Бакр аль-Багдадзі ліквідаваны пры авіяўдары кааліцыі каля горада Рака.
Акрамя таго, газета Mirror са спасылкай на крыніцы апублікавала інфармацыю пра смерць аль-Багдадзі.
Інфармацыя аб ліквідацыі лідара групоўкі супярэчлівая. Агенцтва Ani news перадае, што снарад трапіў у аўтамабіль кіраўніка ІД, які знаходзіўся ў Рацы.
Між тым РІАН паведамляюе, што Міжнародная кааліцыя пакуль не дае афіцыйнага каментара з нагоды ліквідацыі лідара ІД.
Раней паведамлялася, што 10 чэрвеня Абу Бакр аль-Багдадзі быў цяжка паранены пасля авіяўдараў на мяжы паміж Іракам і Турцыяй. Таксама раненні атрымалі некалькі чалавек з яго атачэння.
Навіны пра смерць Абу Бакр аль-Багдадзі ўжо з’яўляліся ў СМІ. Так, вясной 2015 года журналісты ўжо пісалі, што верхавод групоўкі быў паранены і памёр у клініцы. Аднак тады інфармацыя аказалася непраўдзівай.
Аль-Багдадзі ўзначальвае групоўку «Ісламская дзяржава» з 2014 года.
Глядзіце таксама
