Стала вядома дата магчымага скасавання Дамовы аб дружбе Украіны з Расеяй
На сайце Вярхоўнай Рады Украіны апублікаваны тэкст законапраекта прэзідэнта аб скасаванні Дамовы аб дружбе паміж Украінай і РФ.
Пётр Парашэнка сёння, 3 снежня, прапанаваў Вярхоўнай Радзе спыніць дзеянне Дамовы аб дружбе, супрацы і партнёрстве паміж Украінай і Расеяй з 1 красавіка 2019 года.
Пра гэта гаворыцца ў тэксце адпаведнага законапраекта, апублікаванага на сайце парламента.
“Спыніць з 1 красавіка 2019 года дзеяння Дамовы аб дружбе, супрацоўніцтве і партнёрстве паміж Украінай і Расейскай Федэрацыяй, што была заключаная 31 траўня 1997 года ў г. Кіеве і ратыфікаваная Вярхоўнай Радай Украіны 14 студзеня 1998 года”, — гаворыцца ў праекце закона.
Таксама адзначаецца, што спыненне дзеяння Дамовы аб дружбе з РФ „вызваляе Украіну ад любога абавязацельства па яго выкананні і не ўплывае на правы, абавязацельствы або прававое становішча Украіны, якія ўзніклі ў выніку выканання названага Дагавора да спынення яго дзеяння”.
У дакуменце ў якасці тлумачэння гэтай ініцыятывы ўказана „ўзброеная агрэсія Расеі супраць Украіны”, што з’яўляецца істотным парушэннем названага Дагавора.
Сёння ж, 3 снежня, Парашэнка зарэгістраваў у Вярхоўнай Радзе праект закона аб прыпыненні дзейнасці Дамовы аб дружбе, супрацы і партнёрстве паміж Украінай і Расеяй.
Фота kievcity.gov.ua
