Статкевіч заклікае на акцыю 12 верасня
Экс-палітвязень Мікалай Статкевіч заклікае беларусаў на акцыю 12 верасня.
Фота: Reuters
«Ці будуць у нас выбары замест чарговых «вырабаў» для мяне канчаткова становіцца зразумелым пасля фармавання ўчастковых выбарчых камісій, якія павінны лічыць бюлетэні. Сёння, калі камісіі сфармаваныя, можна ўжо ўпэўнена сказаць, што выбараў не будзе, — напісаў Мікалай Статкевіч у сацыяльных сетках. — Зноў рабіць выгляд, што яны лічаць галасы, на кожным участку будуць спецыяльна адабраныя супрацоўнікі толькі адной установы – школы, лякарні, прадпрыемства.
Зноў кіраўнік гэтай установы будзе «галавой адказваць», каб яны падпісалі за тыдзень да «выбараў» пусты, без лічбаў, пратакол іх вынікаў – у якасці гарантыі лаяльнасці. А ў дзень «выбараў» — ужо пратакол з лічбамі, даведзенымі да старшыні ўчастковай камісіі спецыяльнай групай раённай адміністрацыі, якая рэальна кіруе працэсам.
Статкевіч прапануе сабрацца 12 верасня а 18-й на Кастрычніцкай плошчы сталіцы.
