Святлана Ціханоўская: наша з вамі місія – не даць сябе падмануць
Сённяшняй раніцай улады Беларусі вызвалілі пасля амаль 8 месяцаў сяброў «Прэс-клуба» Юлію Слуцкую, Пётра Слуцкага, Сяргея Альшэўскага і Алу Шарко.
Святлана Ціханоўская пракаментавала вызваленне заснавальніцы і журналістаў „Прэс-клуба”:
„Зараз, дарагія беларусы, наша з вамі місія – не даць сябе падмануць. Мы ўжо прайшлі доўгі шлях да свабоды – і зможам дайсці да перамогі толькі разам, з адзінай пазіцыяй. Нават калі выйдуць дзясяткі, сотні людзей, за кратамі застаюцца тысячы – і мы не пойдзем на кампрамісы, не дапусцім ніякіх здзелак з рэжымам, не павяду на ілюзію вызвалення”.
Святлана Ціханоўская
„Памятаеце: хатняя хімія, падпіска аб нявыездзе, хатні арышт або любая абмежавальная мера – гэта не свабода. Пакуль чалавек поўнасцю не рэабілітаваны, ён усё яшчэ закладнік. У закладніках ягоныя бацькі і дзеці, калегі і сябры, якіх прымушаюць маўчаць, шантажуючы яго арыштам. Пакуль усё нявінныя людзі не выйшлі з турмы – гэта гандаль, а не перамены. Бо тое, што адбываецца ў нашай роднай краіне – гэта тэрор, а ў яго не бывае адлігі. Таму мы з вамі павінны быць настойлівыя і паслядоўныя. І тады разам мы зможам дамагчыся свабоды для ўсіх”, – напісала беларускі палітык у сваім тэлеграм-канале.
Па стане на 20 жніўня ў Беларусі прызнаныя палітычнымі вязнямі 637 чалавек.
Беларускае Радыё Рацыя
